Föstudagspistill 1.1

Ég varð vitni að svo miklum hryllingi í morgun að ég læt duga í dag að deila með ykkur

Þessu !

Ég held að þarna sé á ferðinni flottasta stuttmynd sem ég hef á ævi minni séð.....

Og hún vekur mann sannarlega til umhugsunar um hversu varnarlaus við erum hérna mannfólkið. Ef....

Ég sendi hugheilar kveðjur helgar og frís til handa öllum sem eru í gúddí fíling á föstudegi....

Föstudagspistill

Nú fer í hönd næst mesta geðveikishelgi desembermánaðar og ljóst að það styttist í hátíð ljóss og friðar. Við fjölskyldan ætlum að hafa það huggulegt. Við buðum henni Gullunóu að koma og gista og þá verður sko eldaður grjónagrautur með rúsínum og höfð köld lifrarpylsa með, kjams.
Mikki er mættur og hurfu þau heimasætan til móts við Youtube inni í herbergi svo gamla gæti fengið sér kaffisopa og sígó í ró fyrir framan tölvuna.

Annars eru fáein verkefni sem þarf að kljást við um helgina, eins og að baka piparhökuhús og skreyta, baka smákökur, kaupa Buffy the vampyer slayer season 6, þvo og strauja jóladúka, pakka jólagjöfum, fara í afmæli, þvo þvottinn, borða á KFC, kaupa jólagjafir, skrifa jólakort og finna heimilisföng á ja.is, skipta um kattarsand, horfa á Buffy the vampyer slayer og fara yfir bókhaldið...árs...

Við tökum þessu nú samt með stóískri ró og höldum okkur fjarri allri streytu og öndum í gegn um nefið. Halelúja.

Megi friður ríkja yfir yður þessa helgina strops og andi Guðs svífa yfir vötnunum....

Eyrún hin Upplýsta

Mig langar að pósta hérna tilmælum til þeirra er málið varðar:

1. Í sjálfrennireið yðar er að finna litla svarta stöng. Hún er staðsett vinstra meginn við stýrið að ég held (hin stjórnar rúðuþurrkunum) og hefir þann tilgang einan, að senda skilaboð til annara í umferðinni með því að senda tilfandi ljósmerki frá sér.
   
2. Þetta er gert þannig, að þegar þér hafið tekið ákvörðun um að beygja, hvort sem er til hægri eða vinsri, þrýstið þér nærri endanum á þessari stöng annað hvort upp (sem kveikir til hægri) eða niður (sem kveikir þá að sjálfsögðu vinstri) eftir því sem við á.
3. Þér framkvæmið svo beygjuna þegar nálægt fólk í umferðinni hefur fengið ráðrúm til þess að bregðast við.
   

Þess má geta að notkun þessa búnaðar er lögbundin og geta brot á þessum lögum varðað amk. sektum.

Góðar stundir

Steingeitin

EINKENNI
Lykilorð: Metnaður
Pláneta: Satúrnus
Höfuðskeppna: Jörð
Litur: Svartur, dökkgrár
Málmur: Blý
Steinar: Svartur ónyx, obsídían
Líkamshluti: Hné, liðamót, húð, bein

Frægar steingeitur
Davíð Oddsson, Nicolas Cage, Ólafur Skúlason, Nixon, Henri Matisse, Janis Joplin, Mao, Bjarni Felixson, Anthony Hopkins og Denzel Washington.

STEINGEIT
Steingeitin rennur oftast saman við fjöldann, því hún er bæði hógvær í klæðaburði og framkomu. Steingeitur skeyta lítið um tískufyrirbæri og klæðast oft íhaldssömum, dökkum fötum úr vönduðu efni, jafnvel þegar þær fara í samkvæmisskrúðann.
Þær eru iðjusamar og þægilegar í viðmóti, vinna skipulega að langtíma markmiðum og stefna að því að öðlast viðurkenningu og virðingu fyrir erfiði sitt. Steingeitin er þolinmóð og yfirleitt metnaðargjörn, einræn og seintekin, en trygg vinum sínum og fjölskyldu og mjög áreiðanleg í öllum samskiptum.
Veraldleg gæði, vegtyllur og vald skipta Steingeitina miklu máli og hún er íhaldssöm á umhverfi sitt og á bágt með að sætta sig við breytingar. Steingeitinni lætur best að vinna þar sem hún getur hækkað í stöðu, en ef hún starfar innan stjórnmálaflokks, hentar henni betur að aðrir standi í sviðsljósinu á meðan hún hefur sjálf töglin og hagldirnar á bakvið tjöldin. Í íþróttum heillast hún yfirleitt af greinum, þar sem hún þarf að sigrast á erfiðleikum, t.d. fjallgöngum eða skíðagöngum.
Steingeitinni hættir til að halda óþarflega mikið aftur af tilfinningum sínum og sjálfsagi hennar og sjálfsafneitun gengur oft út í öfgar. Hún ætti að reyna að vera næmari á þarfir annarra og tilfinningar og losa sig við stífni og óþarfa hlédrægni, en það stafar oft af erfiðri æsku.


Og þá er það á hreinu...

Góða helgi

Hinir "Brjálæðislegu ofurskattar"

Þeir sem eru með 150.000 kr. í mánaðalaun borga 1.650 kr. minna.

Þeir sem eru með 300.000 kr. í mánaðarlaun borga 800 kr. minna.

Þeir sem eru með 400.000 kr. í mánaðarlaun borga 3.100 kr. meira.

Þeir sem eru með 600.000 kr. í mánaðarlaun borga 16.900 kr. meira.

Þeir sem eru með 1.000.000 kr. í mánaðarlaun borga 32.500 kr. meira.

Afsakið, en ég hef aldrei á æfi minni séð eins réttláta skattlagningu

Fyrir 1650 kr. mínar ætla ég að kaupa mat í Bónus

Lengi lifi brjálæðislegir ofurskattar

Neyðin kennir naktri konu að spinna

Mamman og Heimasætan

Þannig fór um sjóferð þá:

Ég skrapp til Ítalíu að athuga hvort allt væri ekki við hestaheilsu og hamingju. Fann þar allt og alla í gúddí fíling og næslegheitum.

Innbyrgði svo geysilega menningu í Feneyjum að kalla má hálf-frelsun og svo má ekki gleyma að nefna alla söguna, arkítektúrinn, mannlífið, náttúruna, dýralífið, verzlanirnar, matinn og Guð.
Ég held að Guð búi á Ítalíu. Allavega virðist fólkið vera í svakalega góðum tengslum við hann þar.

Og mér opnuðust augu. Á norður Ítalíu virðast allir vera fallegir, bótoxaðir, grannir, ríkir og hamingjusamir. Velmegun Guðs kristallast í Péningum og allir gasalega happí með það, meira að segja þó svo að Cosa Nostra og Berlusconi ráði til helmings við Páfa-gaukinn í Róm. En sennilega eru þeir allir vinir.

Mér var lengi ekki ljóst hvaðan allir þessir peningar og hamingja komu. Ekki frá landbúnaði eða sjávarútvegi. Ég sá ekki eitt einasta tölvufyrirtæki. Ég trúði ekki að landinn lifði á tísku, ölgerð eða bankaútrás. En þá fór ég í ferðalag.

Og ég sá hvaðan peningarnir komu. Þeir koma frá kjarnorkuvæddum þungaiðnaði og eiturefnagerð. Sæll.

Við þessa hugljómun kom ég mér upp nýrri skoðun:

Þeir sem vilja vera ríkir eins og í góðæri hérna heima við sundin blá, verða að gleyma því að eiga hreint land. Verða að gleyma því að Evrópusambandið lappi upp á efnahaginn (Ítalir eru í því), verða að átta sig á því að peningarnir verða til með framleiðslu og útflutningi. Og þá dugar hvorki hreindýramosi né íslensk hönnun.

Gaman að því.

Guð veri með ykkur

Ég varð að deila þessu...

í boði Visis púnktur is:

Þúsundir fólks hefur látið lífið vegna hringja sem þessa

Morgunblaðið

Ég hef alltaf kunnað að meta Moggann. Hann á sinn sess í menningarlífinu og rútínunni. Og jafnvel hátíðarvenjur eins og myndgátan á jólunum.

Af pólitískum ástæðum er ég hér með hætt að kaupa og lesa Morgunblaðið og ætla aukinheldur að sniðganga mbl.is

Og ef ég drepst, ætlast ég til að það verði tilkynnt í Fréttablaðinu.

Sveimérþá

Tjallinn er klikkaður...

Tjallin er klikkaður að halda að við Íslendingar ætlum að leyfa þeim að valta yfir okkur með frekju og dónaskap og sætta okkur við að fjármálalagareglubullið sem þeir sömdu sjálfir og buðu íslenzka banka velkomna að starfa undir, sé í fyrsta lagi okkar mál sem þjóðar og í öðru lagi að kalla okkur sem þjóð, hryðjuverkamenn.

Fokk jú.

Má bjóða ykkur að gerasvovel að steinhalda trantinum á ykkur saman og gleyma því að gefið verið frekar eftir varðandi æseif.

Ágætu Íslendingar!

Segjum okkur úr Nató og fáum Rússa til að sjá um loftrýmisgæslu.


Þetta samstarf okkar í Nató er innihaldslaust gjálfur þar sem aðildarríki sjá ekkert að því að smáþjóðir séu kallaðir hryðjuverkamenn og teknir án athugasemda í boruna af heimsveldi sem vant er að kúga smáþjóðir og þjóðarbrot.

Meira sull...

Ekkert smá kúúúl fjölskylda, finnst ykkur ekki?

Myndasull

Nokkrar gamlar krakkamyndir, jei!

Það er alveg ótrúlegt að þau séu orðin þrettán og að verða sautján, djæs.

Taut

Tíhí, þetta er fyndin mynd...

Ég sem alltaf hef skoðanir á öllu hef ekki beinlínis verið að flíka þeim síðastliðið ár. Bloggið er búið að vera í dauðatygjunum full lengi og tímabært að reyna að blása í það svolitlu lífi.

Aðgerðir stjórnarinnar til góðs íslenzkri alþýðu, hafa látið á sér standa og í stað þess að einsetja sér að finna lausnir í atvinnumálum landans og fjárhagslegri endurskipulagningu í ríkissjóðum hafa menn sólundað dýrmætum tíma í eitthvað helvítis ESB kjaftæði sem meirihluti þjóðarinnar hefur engan áhuga á að ganga í samkvæmt nýjustu könnunum. Launalækkanir örfárra ríkisstarfsmanna, flugbeittur niðurskurður í velferðarkerfinu og dugleysi í samningaviðræðum er ekki alveg nóg til þess að ég kunni við það að kalla mig vinstrisinnaða en ef fer fram sem horfir,, verða það einstaklingar sem með dugnaði rífa þjóðina upp en ekki ríkisstjórnin.

Legg ég á og mæli um að ríkisstjórn Íslands hysji upp um sig brækurnar og komi niður á fast land og fari að fokking vinna að lausnum á skuldum Íslendinga. Fjandinn bara hafi það!

Það er ekki hafandi eftir hvursu fráleitar og vanhugsaðar tillögur reykingaforvarnarsérfræðinga eru. Í besta falli er þessi nefnd mönnuð fólki sem á við alvarlega greindarskerðingu að stríða, en í versta falli einbeittur brotavilji gegn þeirri frumkröfu að fólk eigi að ráða lífi sínu sjálft.

Þetta er ekki spurning um hvort maður þarf að reykja smyglaðar sígarettur eða innfluttar, þetta er spurning um það, hvort við ætlum að leyfa Alþingi að banna okkur þær neysluvörur sem það telur að skaði einstaklinga eða þjóðina alla.

Áttum okkur á því, hvað gerist, ef við gefum yfirvöldum heimild til þess að ákveða með lögum hvað við látum ofan í okkur og á okkur. Skyndibitar eru líka óhollir, og sykur, og svínakjöt og ostur og hvaðeina. Að ég nefni nú áfengi til sögunnar. Ætti fullorðið fólk ekki að ráða því sjálft hvað það setur í sig og á? Eins og hver einasti maður sér, ætti að hætta öllum reykingaforvörnum sem beinast að fullorðnu fólki og allt framlag ríkisins til forvarnarmála ætti að setja inn í grunnskólakerfið. HALLÓ!

Oft var þörf en nú er nauðsyn.

Hvað olli fjármálakreppunni á Íslandi? Voru það stjórnvöld eða útrásarvíkingar? Var það Sjálfstæðisflokkurinn eða Framsóknarflokkurinn?

Mér þykir tíða að enginn hefur spurt þeirrar spurningar hvort Íslendingar séu einfaldlega of illa menntaðir í grundvallarfræðum fjármála. Við vitum öll að góð almenn þekking á fjármálamarkaðinum og góð menntun í grunnskóla um innviði kerfisins, skatta, lög og almenna skynsemi í fjármálum heimila hefði getað komið í veg fyrir þá fjarstæðukenndu skuldsetningu íslenzkra heimila sem varð raunin.

Í alvöru talað. Lykillinn að góðum rekstri ríkissjóðs og fólksins í landinu er menntun. Betri menntun en nú er í boði. Upplýsing þegnanna á ríkisumsvifum og hvað verður um launin okkar.

Það er ég alveg viss um.

Hver og hver og vill og verður??????

Ég á leyndarmál.....

Ég er nefnilega svona síþreyttur letihaugur með skæðum framtaksköstum í bland. Sólarhringurinn minn hefur í mörg mörg ár verið handónýtur og ég hef helst viljað vaka á nóttunni og sofa á daginn og þess vegna stöðugt að reyna að koma þessu á réttan kjöl. En þetta er grátlegur vítahringur vegna þess að maður er einfaldlega ekki með fulla meðvitund fyrr en tvö á daginn, þrátt fyrir að vera mættur í vinnu og hafa drukkið fjóra kaffibolla.

Þessi stöðuga þreyta og sljóleiki veldur því að maður er gleyminn, einrænn, þolir illa mikla birtu eða mikinn hávaða. Öll verkefni sem reyna á heilann reynast manni erfið og valda manni enn frekari þreytu og þannig koll af kolli.

Það versta við þetta er þó hvernig maður fer að þróast félagslega og andlega. Maður á erfitt með að halda uppi stöðugum samskiptum og lokar sig af. Fljótlega fer að halla undan fæti þegar verkefnin klárast ekki og maður fer að klúðra vegna streytu og kvíða. Egóið manns fer að molna og brotna og maður verður stöðugt hræddari og týndari.

Svefninn verður besta ástandið í stöðunni og hvað gera bændur þá?

Jæja ég fann lausn sem felur hvorki í sér svefnlyf eða annan óþverra sem fólk verður háð....

Ef þú vilt vita hvað það er, sendu mér þá bara e-mail á heidaskula@gmail.com

Einn, tveir, þrír.....

Það er svo margt sem ég er að hugsa um, þessa dagana, og einhverra hluta vegna, þarf ég að hugsa í mengjum og röðum og í stafrófsröð eða eftir dagsetningu. En þá finn ég einmitt alveg gasalega þörf fyrir því að flokka allt í heiminum niður í lista og til þessa geðstrops er Blogger agalega hentugt tól.
Hér á eftir fer ógeðslisti. Og kannski, ef þú lest þetta, lærir þú að þekkja mig betur. Hver veit, kannski á þér eftir að blöskra svo heiftarlega að þú hættir að vera vinur minn á Facebook eða sendir mér blóm. Ef þú þekkir mig vel, gæti þetta tiltæki orðið til þess að umburðarlyndi þitt skaðast eða þér vex umburðarlundin.

Allavega, enter at your own risk....


Vekur upp líkamleg viðbjóðsviðbrögð:

Súrar gúrkur
Lagið “Minning um mann”
Lifur
Fólk sem heilsar þannig að það er eins og taka utanum dauðan fisk
Stórir andlitsblettir og separ með löngum svörtum hárum út úr
Kræklingur
Æla
Atvinnu mótmælendur
Deep Purple
Gröftur
Hórur
Súrar mjólkurvörur, þ.e. sem eiga að vera súrar
Kamillute
Spegilmynd mín í mátunarklefa
Hár í niðurföllum
Hrátt kjöt og hrár fiskur
Tekíla
Suttir, hvítir, mjúkir, feitir puttar á karlmanni
Kynferðisleg áreitni
Næstum allar pöddur
Fálmandi og óákveðin snerting
Álar
Sally Field
Flóuð mjólk
Skán á og í munninum á drukknu fólki (eða dópuðu)
Fiðrildi
Grape
Sú staðreynd að ég hreyfi munninn þegar aðrir tala
Næstum allur ostur
Strípihneigð
Gammeldansk
Stöðugar predikanir fólks sem segist trúlaust
Homofobia
Gulrætur
Garg á lítil börn
Maginn á mér

Hræsni

Hópur fólks fór í fýlu af því Óli Gríms samþykkti lögin. Og hafa fullan rétt á því út af fyrir sig. En hafið það hugfast að Óli samdi ekki textann. Hann sömdu vinstriflokkarnir við Hryðjuverkalög Breta. Ætla í fullri alvöru að láta kúga sig til hlýðni. Þá hefði ég nú haldið að yfirlýsing frá íslensku ríkisstjórninni þess efnis að Íslendingar ætluðu ekki að borga neitt, hefði verið betri.

Og ef ég man rétt þá voru það þessir sömu vinstriflokkar sem heimtuðu að Öll Mikilvæg Mál Er Snerta Þjóðina Alla skyldu umsvifalaust og með hraði lögð fyrir þjóðina í þjóðaratkvæðagreiðslu.

Ég heimta þjóðaratkvæðagreiðslu! Djöfullinn hafi það!

Ég er ekki viss hvort að fátæk alþýðan sem streymdi í Kringluna í dag sé yfirhöfuð að pæla í þessum málum. Fátæk alþýðan er kannski soltið reið og brotin, en hin stéttin á Íslandi, þeir ríku, þeim er sama.


Það er stéttin sem á að borga, við höfum ekki efni á því að hafa hástétt og lágstétt hér á landi. Það hefur sýnt sig að það er of dýrt.

Fari auðvaldið til Helvítis...

Fegurð

Það fór þó aldrei svo að konan fengi ekki enn eitt geðveikiskastið. Og það meikóver, takk fyrir takk.

Þegar búið var að kljúfa kartneglurnar af, brenna burt vörturnar, hífa tútturnar uppávið, stinga úr tönnunum, mylja úr hárinu, skera táneglur og eitra fyrir sveppum, kom í ljós að dúið er alger tímaskekkja. Ég er ekki sautján, og vil ekki vera það. Og það eru bara postulínsbrúður með bótox og viðkvæma drætti kringum þrýstnar varir sem púlla þetta ísdrottningarlúkk.

Svo ég arkaði af stað, glaðbeitt, og fjárfesti í hárfríðkum.

Ég las fylgiseðilinn vandlega og af miklum áhuga enda voðinn vís ef ekki er farið eftir leiðbeiningum í einu og öllu. Ég hafði reyndar litla trú á að ég dræpist og dagbók lögreglunnar auglýsti að kona á fertugsaldri , búsett í vesturbænum hefði látist við máttlitlar tilraunir til fegrunar. Allavega gumsaði ég einhverju úr túbu í pela, hristi duglega og grautaði í hausinn á mér. Einum og hálfum tíma seinna var ég ekki lengur ljóska.

Ég fann skilninginn, spekina, dulúðina, skapfestuna og viskuna þrýstast út í heilaberkjurnar og þrátt fyrir að ljóskan berðist hatrammlega fyrir tilvist sinni, með einum hártoppi sem ekki vildi verða súkkulaðibrúnn, beið hún bana á altari ellinnar.

Og ég er himinsæl með útkomuna.

Jæja

Það fer að koma tími á nýtt blogg....

Lukka

Ég fór í tvö partý í gær. Það var skemmtilegt. En ég keyrði nú samt heim til mín og fór að sofa fyrir klukkan alltofseint enda löng og ströng vinnutörn á enda. Og viti menn, ég svaf til klukkan fimm í dag, með smá hléi.

Núna ætla ég að gera fínt og fara svo kannski barasta út að borða og fá mér eitthvað gúmmulaði sem ég þarf ekki sjálf að elda. Namminamm.

Það er skrýtið að vera aftur svona einn í kotinu.

Bið að heilsa

Heiða

Sorg

Fyrsti töffarinn sem ég varð ástfangin af hefur kvatt þennan heim, langt fyrir aldur fram.

Mig langar að senda fjölskyldu hans, vinum og aðdáendum samúðaróskir.

Farvel Mikjáll, þegar öllu er á botninn hvolft þá doesn´t matter if you are black or white

Þín Heiða.

Svaka stuð í útilegu

Heimasætan og mamma í vinnunni

Alvöru mótmælendur

Gvöööð hvað ég fylltist mikilli hamingju og vellíðan þegar ég sá Bullshit þáttinn um umhverfisverndarmótmælendurna. Inn jor feis moðerfokkers.



Mér hefur lengi staðið stuggur af þessum hóp og fundist hræsnin og persónupotið og peningaplokkið sem fylgir vera einstakt dæmi um hálfvitaskap og múgæsingu og það er bara ljúft að fá það staðfest.

Það er tíðindalítið á vesturvígstöðvunumn þessa dagana, mexicanzkt einvígi og Álakvíslargestir í kvöldmat og hugguleg kvöldstund framundan. Nú telur maður bara niður að ættarmóti en fram að því verður þetta svona meira borða, sofa, vinna o.s.frv.

Til hamingju með ríkisstjórnina. Ekki gleyma því hverjir bera ábyrgð á því að ríkisstjórnin þarf að skuldsetja ríkissjóð, hækka skatta og skera niður. Þeir bíða nú og fitna eins og púkinn á fjósbitanum og vonast til að kreppan færi þeim atkvæði sem þeir eiga enganveginn skilið.

Bæjó

Af erlendu bergi brotnu í útlenskan mat

Í fyrsta skipti í sögunni á ég von á matargestum í kvöld sem ég þekki ekki neitt og eru í ofanálag af erlendu bergi brotnu, það er: Vínarbúar.

Þetta ágæta fólk borðar indverskan mat, að því mér er tjáð, svo indverskt verður í matinn.

Nú er þá bara að setja potta á hlóðir og æpa sting þú páll og moka þú reka og vona að þeir Lítill, Trítill og fuglarnir komi og aðst0ði við yfirhalninguna.

Tsjuss!

Ferðalag

Nú stefnir Das Fraulein í útilegu um helgina og sitthvað þarf að athugast áður en lagt er í hann. Tjald og dýnur og svefnpokar og sitthvað fleira.

Það er engu líkara en að svart ský syndi fyrir ofan hausinn á mér þessa dagana. Ég er óvanalega gleymin og utan við mig en vonandi rofar til í útiloftinu um helgina.


Tsjuss

Þrefalt húrra fyrir pylsugerðarmanninum

Ég óska Grænlendingum innilega til hamingju með áfangasigurinn gegn einveldisherrunum. Jíííjhaaah!

Og ég sendi frú Sigríði Hafdísi rokkstig dagsins fyrir að hafa bjargað geðheilsu minni með lesefni í dag.

Sjálf ætla ég að hafa það gott sem eftir lifir helgar og vona að landsmenn hafi það eins og þeim sýnist.

Plön

Það er gott að plana sig fram í tímann. En það er nú þannig að þegar maður er að plana sig í útilegu yfir nótt, til þess eins að prufukeyra græjurnar fyrir ættarmótið ógurlega, er engan veginn hægt að sjá fyrir veður. Mig dreymdi reyndar hákarl síðustu nótt og mér fannst eins og fuglarnir væru hnípnir í dag svo sennilega er von á skítaveðri næstkomandi föstudag.

Jáhm. Það er eins gott þá að liggja úti í vosbúð og vitleysu og vera með einhverskonar neyðaráætlun klára ef það skyldi nú rigna alla þrjá dagana sem mótið stendur. Víst inúítar gátu búið í snjóhúsum hljóta Valkyrjur af Ísalandi að meika það í tjaldi.

Svo gæti ég líka kíkt á veðurspá!

Húmar að kveldi

Ég hef verið bissí og í talsverðu stresskasti síðustu daga. Hef þó prjónað mér sumarveski og soðið fiskspyrðu og steikt hrossaket í bland við taugabólgur. Í dag lak ég niður í stofusófann og steinsofnaði í svosum klukkutíma og mér fannst eins og ég hefði sofið í hundrað ár að minnsta kosti þegar rofaði til. Ég bókstaflega sveif um salarkynnin og mætti uppstríluð og elegant í vinnuna með værðarljóma í augum og bros á vör.

Svo á ég líka sponsíu. Það útaffyrirsig er barasta heilmikið mál á þessu heimili.

Núna ætla ég að leggja hausinn minn á kodda og dreyma eitthvað fallegt eins og sólarlagið yfir Akranesi.

Bæó

Veðurblíða

Nú er lag að leggja leið sína í miðbæinn og kaffihúsast. Sólin skín og fuglarnir syngja. Ég held barasta að skáldið sem blundar í mér þurfi hvað á hverju að fá að brjótast út í ferskeytlu eða jafnvel hringhendu eða þulu. Hver veit?

Annars er hver dagurinn öðrum fegurri og fallegri. Lífið kemur á óvart með þesskonar hamingju eftir langan og dimman vetur. Það var meira að segja svo bjart yfir svefnherberginu mínu að ég girti fyrir gluggana með svörtu svo ég gæti sofið svolítið í bland.

Svo væri lítið gaman að henni hamingju ef ekki væri fynd í bland. Og einhverra hluta vegna er mér ósegjanlega hætt við að sjá spaug og spé í hverju horni og grínast með grafalvarlega hluti eins og kreppukúka, besservissera og mótmælendur. Tíhíhíhíhí... Fólk með Skoðanir er nefnilega svo einsýnt og fast með hausinn í rassinum á sér að það verður að teljast fyndið að þetta sama fólk fór algerlega hamförum í óðæris-brölti og hefði hugsanlega átt að hugsa til sér meira bágts á meðan það drakk kampavín í góðærinu.

Jæja, hvað með það.
Dántán hír æ komm!

Lengi lifi Ísland... bezt í heimi!

Eins og hvirfilvindur rústaði íslenzka landsliðið fyrrum Júgóslefum eða Mákidónum eins og þeir kalla sig nú. Þjóðerniskenndin sýður og bullar eins og leirhver í brjósti og kreppan er víðsfjarri á þessum stórkostlega þjóðhátíðardegi.

Í tilefni þess ætlar húsfreyja að panta flatböku frá Dómínós og splæsa jafnvel í ís á eftir.


Gleði gleði gleði....

Blogg númer hundrað

Og hver er komin í meðferð, búin að vera edrú í rúmar þrjár vikur og hættur að reykja?

Ég





.

Póstur númer níutíuogníu

Jáhm.. Ég hef verið að velta fyrir mér óhollustu reykinga síðustu mánuði og reyna að manna mig upp í að hætta þessu.
Það hefur nú ekki gengið betur en svo að aðgerðadagsetning er með öllu óræð og í mistri og þoku. Svo bar þó til um þessar mundir að engin boð komu frá Ágústínusi en ég fór hinsvegar og fjárfesti í þessu líka fína nikótíntyggigúmmíi. Þar sem tími var kominn á rettu ákvað ég að prófa að fá mér eitt og athuga hvort löngunin minnkaði (haraldsfræðileg rannsókn).

Já og viti menn. Þetta snarvirkaði. Munnurinn á mér virtist brenna svo tók við einskonar dofi og óbragð og að lokum fann ég til hryllilegrar köfnunartilfinningar og ógleði.

Þrátt fyrir þessa virkni langar mig samt að forvitnast hvort þetta eigi að vera svona?

Helgarblaðið

Ég er í tilfinningalegu ójafnvægi.

En það er nú bara eðlilegt. Slíkt gerist. Sérstaklega þegar manni dreymir flótta undan eldgosum nótt eftir nótt og draumaráningabókin segir að það boði þrumur og haglél.

Skemmst er frá því að segja að uppáhaldsbarnatími okkar Heimasætunnar er Fosters home for imaginary friends. Snilldarþættir í alla staði sem við höfum nánast séð alla upp á engilsaxnesku en þó brá svo við horfðum á hann á Gufunni í morgun.

Og án frekari málalenginga vil ég senda Þórunni Grétu Sigurðardóttur rokkstig dagsins fyrir ódauðlega þýðingu enda lá ég í krampaflogum og geðshræringu þegar ég heyrði Blú kallaðan Smarthöfða.

Bwwaaaaahaaahaaaa!

Gleðin ríður vart við einteyming

Þetta var ein af þessum ofurhelgum með framkvæmdagleði í farteski. Veiðiferð, kreppukaffi, leikhús, veisla a la Indland og allskonar.
Mér líður bara svo ljómandi vel þessa dagana og alveg án þess að vera maníubiluð og ósofin. Sef eins og urtubarn á útskerjum um leið og ég leggst á koddann og vakna fyrir hádegi eins og venjulegt fólk. Trallalæ.

Ég held bara að lífið sé nákvæmlega eins erfitt og maður sjálfur ákveður, að minnsta kosti þegar örlögin eru lítið sem ekkert að skipta sér af.

Ég bið að heilsa eftir Inga Té í dag, enda er hann að austan og þangað ætla ég að bruna í fermingu innan tíðar.

Gleðilegt sumar, enn og aftur.

Sumargleði

Það er verulega hughreystandi að vera að vinna í lúgusjoppu þegar svínaflensan er mætt. Allavega ætla ég ekki að láta hugfallast og mæta í vinnuna klukkan fimm og sjö, níu, þrettán.

Hélt þetta líka bráðfallega kaffiboð á uppstillingardag og frétti af óléttum og barnagleði í allar áttir.

Langar svo að bjóða til sölu vel með farinn og glæsilegan þurrkara frá Ariston, tekur sjö kíló og ef þú hefur ekki átt þurrkara get ég lofað því að hann verður nýi besti vinur þinn...

Halelúja

Svala Drullfinns

Ég óð eins og flóðhestur með gyllinæð út á svalir í gær að endurheimta þau svæði á vesturbakka íbúðarinnar sem hertekin hafa verið af einnota drykkjarumbúðum.
Ekki var einskismannsland unnið á einni nóttu og seinnipartinn klára ég seinnipartinn. Og á þá þrjá glæsilega fermetra af sól og blíðu sem þarfnast blóma, borðs, grills og stóla.

Það sem er svo gasalega sniðugt við þetta alltsaman er að ég sé fram á slíkt ríkidæmi af þessum dugnaði að ég get hæglega fjárfest í blómum, stólum, borði og grilli.

Jibbíkóla-alkóhóla!

Jáhm...

Hvað er svo títt af tíkarskarinu?

Allsherjarhreingerning, geðtruflað nostalgíu evróvisjónpartý, Nasa, veiðistangir, vinna, út að borða, skrabbl og Rojalbúðingur komu við sögu um þessa líka dááásamlegu helgi.

Í núinu svífur húsfreyja um salarkynnin með nýlakkaðar neglur og höfuðið vafið í baðmullarklæði eftir slökunarbað. Hún dreypir annars hugar á heitu súkkulaði með rjóma og reynir að muna hvaða verkefni það eru sem skulu forgangsraðast með nýrri viku. Kisurnar keppast um að þvo hvorri annari í bjarmanum af vanillukerti sem lýsir upp skál með pistasíuhnetum.

Og þrátt fyrir kreppu blása nýustu tölur Kaupþings lífi í ryðguð hjól efnahagskerfis Eyrúnar en þessi kona ávaxtaði einu bankainneign sína um 21.7% árið 2008. Jíííí-haaaah!

Áfram Ísland og Guð veri með ykkur.

Aumingja kisa

Vesalings kisa litla fór í aðgerð í gær. Var skorin upp og gerð ófrjó. Hún hafði grátið nær stanslaust í tvær vikur af skorti á viljugu fressi en er þögul sem gröfin í dag. Ég held að henni líði miklu betur. Spurning hvort maður ætti að prófa þetta sjálfur og athuga hvort maður verði sáttari með karlmannsleysið?

Framundan er besta helgi ársins. Júróvisjón-helgin. Mér þætti vel við hæfi að gera hana að þriggja daga helgi með rauðum dag öðru hvoru megin við sig. Það gæti aukið líkurnar á því að komast í Evrópusambandið. Á þessu heimili verður haldið partí að hætti Moi með blöðrum og ljúfengum veitingum.

Ég óska landsmönnum til hamingju með Jóhönnu, hvort sem það er Guðrún eða Sigurðardóttir, og vona að allir hafi það gott og glatt á hjalla...

Tekið til hendinni

Það er alltaf svolítið vandræðalegt þegar verið er að ljúga að manni og maður veit það. Maður verður að meta það hvort borgi sig að fronta lygamörðinn eða hvort maður er einfaldlega orðinn svo vanur að hlusta á sama bullið og svo löngu búinn að gefast upp á því að benda viðkomandi á þá staðreynd að hann sé í besta falli að bulla og versta falli að fremja glæp.

Vandræðaástandið í þjóðfélaginu hefur gefið opinberum krappkjöftum byr undir báða vængi. Hver einasti stjórnmálamaður í landinu veit ósköp vel að það er ekki hægt að búa til þúsund störf fyrir iðnaðarmenn. Það er einfaldlega ekki þörf fyrir meira húsnæði. Það er heldur ekki hægt að búa til þúsund bankastörf, starfsmenn í fjármálageiranum voru orðnir allt of margir. Það er heldur engin von á þúsund störfum í þjónustugeiranum, jafnvel þó ferðamennska sé að aukast. Og að lokum verða ekki byggð nein álver. Álverð er í sögulegu lágmarki, ekki til peningar til að virkja og álrisarnir ekki í neinum stækkunarhugleiðingum.

Það blasir við Íslandsmet í niðurskurði. Ég reikna með að heilbrigðis og menntakerfið fari verst út úr því. Ég reikna með að fátækar barnafjölskyldur verði látnar borga brúsann eftir fyllerí sem þær misstu af. Ég reikna með að Vinstri grænir svíki kjósendur sína jafn hraustlega varðandi umhverfismál eins og Evrópusambandsaðlild. Ég á von á því að Samfylkingin sé jafn fyllilega bjargarlaus varðandi efnahagsástandið eins og þegar Geir bað Guð að blessa Ísland.

En þrátt fyrir þetta er ég bjartsýn. Þó svo að ég viti að hið opnbera sé jafn hjálparvana og íslenskur öryrki hef ég fulla trú á íslensku þjóðinni. Við látum ekki deigan síga. Við komum til með að skapa ný störf með framsýni og skapandi hugsun. Við munum standa þetta af okkur, rétt eins og við stóðum af okkur kúgun Dana, pestir, eldgos og frostavetur. Sprotar nýja Íslands eru nú þegar teknir að teygja sig í átt til sólar með nágungakærleika, gildismati sem forfeður okkar treystu í þúsund ár og gafst vel.

Með því að horfast í augu við þá staðreynd að kærleikur, bræðralag, heiðarleiki, dugnaður, kjarkur og auðmýkt gerir okkur sem einstaklinga og þjóð að óvinnandi sigurvegurum.

Guð blessi Ísland.

Cris Cornell er bara sætur

Jæja góðir landsmenn til sjávar og sveita.

Fátt er svo með öllu gramt að eigi boði nokkra gleði. Nú þegar sonurinn hefur verið krýndur skákmeistari Reykjavíkur og dóttirin er á leið á óséð stefnumót (á bókasafni) er ekki hægt að vera í fýlu. Svo er ég líka búin að kaupa mér bíl í kreppunni og hef þessa líka fínu vinnu til að drepa tímann. Hvernig er hægt annað en fagna mávahlátrinum við tjörnina og plotta skemmtireisu í garð húss og dýra.

Eins og í gamansögu eftir Dabba feita líð ég um salarkynnin og töfra fram hreinlæti í hverju horni með ívið lengri sprota en Harry Potter hefur í fórum sínum og ilmurinn af nýþvegnum þvotti blandast lokkandi vanillukertailmi úr IKEA.

Lífið er stutt og dauðinn þess bogun, gleðjumst í dag og aftur á morgun.

Heydo alla flyckar och so videre...

Gremja

Ég er svo fjúkandi reið. Svo gersamlega brjáluð og svo aldeilis óþolandi gröm.

Mig langar að lemja fólk og bíta og slá og hrækja.

Ég vona að mér líði ekki svona lengi, það hlýtur að vera heilsuspillandi að líða svona.

Og hvað gerir maður þegar fyrirgefning er ekki í boði?

Ég vona að viðkomandi fái svínaflensu og kafni í loftfylltu egói sínu.

Helvíti bara!

Sumarkveðja

Takk fyrir veturinn.

Og vonandi verður svo sumrið líka þakkarvert. Allavega ætla ég persónulega og prívat að reyna að taka svolítið meira þátt í lífinu í sumar. Maður lifir víst bara einusinni.

Gleðilegt sumar elskurnar mínarþ

Ég fór að hágráta

SNILLD

Smáauglýsing

Kjósandi óskar eftir dugmiklum forustusauði. Má hafa með sér barn. Verður að kunna að blása kjarki og sjálfstrausti í andlega gjaldþrota þjóð og alþingi. Verður að vera tilbúin að berjast til síðasta blóðdropa í að verja auðlindir þjóðarinnar, sjálfstæði og velferðarkerfi. Menntun í siðfræði æskileg en þó ekki skilyrði.

Laun skv. stjórnarskrá.

kjósandi

Kosningar

Þetta er nú meira djöfulsins bullið.



Allir flokkar með sömu málefnaskrá og sömu loforð. Enginn að þora að hafa skoðanir á nokkrum sköpuðum hlut og enginn með fjárhagslegar lausnir.

Ég lýsi frati á íslenska pólitík!

Ef ég fengi fram svör við eftirfarandi þremur spurningum myndi ég kannski ekki skila auðu...

1. Af hverju eru bretar ekki löngu gengnir í evrópusambandið?
2. Hvers vegna er ekki hægt að taka einhliða upp evru?
3. Hvers vegna má ekki nýta orku til annars en stóriðju?

Ef einhver getur svarað þessum spurningum formálalaust væri gaman að lifa.

Þessi er handa okkur sem erum ekki að nenna að taka á málunum

Og það er komið helgarfrí.

Allt að gerast, börnin á leiðinni og von til mikilla ævintýra.

Ég sendi ykkur hugheilar kveðjur, allt að því jóla!

Út um græna grundu, gakktu hjörðin mín.

Við reddum kreppunni a la Ísland!

Það er löngum ljóst að íslenzk alþýða kann að bjarga sér. Er vægast sagt á heimsmælikvarða þó ekki sé annað en veðrið hérna á klakanum.
Við erum flink í handbolta, fegurðarsamkeppnum, skáldsagnaritun, sjómennsku og jaðartónlist. Og við erum flink í að svindla með peninga og búa til eiturlyf. Það er nú bara þannig. Mér skilst á fréttaflutningi að spíttverksmiðjan í Hafnarfirði hafi verið með svo miklum ágætum að erlendir sérfræðingar fengu hroll þegar þeir sáu hugvitið. Svo má líka ætla að allar þær grasverksmiðjur sem hafa verið gerðar upptækar beri eigendum sínum allsvakaleg merki þess að kunna að bjarga sér OG svindla með peninga. Vá!

En, hvað ef við myndum bara lofa þessu að vera löglegt?

Svar 1. Allt færi þráðbeint til Helvítis.

Svar 2. Jafnvel þó að bara helmingurinn væri talinn fram, væru upphæðirnar svo stjarnfræðilegar háar að útrásarvíkingar og seðlabankastjórar fengu standpínu. Hugtakið erlend lán myndi varla fyrirfinnast næstu hundrað árin. Ísland myndi verða fyrsta græna landið þar sem öll ræktun er lífræn. Rafmagnsbílar væru niðurgreiddir af ríkinu, besta velferðarkerfi í heimi. Fríar tannlækningar, frítt háskólanám, þriggja daga helgi, orðið biðlisti yrði lagt niður.
Ferðaþjónusta myndi þúsundfaldast. Gjöriði svo vel og látið yður dreyma...

Hvað svo stjórnvaldið myndi gera við peninginn er vert að hugsa um núna fyrir kostningar. Veltum því aðeins fyrir okkur hvað varð um strit og erfiði kynslóða við sjávarútveg og sáu til þess að fólk fékk að borða? Allir þessir peningar sem íslenzk alþýða hefur fórnað lífi og limum fyrir síðustu hundrað ár?

Það voru örfáir glæpamenn sem sátu á valdastóli sem sólunduðu þjóðarauðnum og það er mín skoðun að það eigi að dæma HVERN EINASTA fyrir landráð.

Takk fyrir.

Ég held

...að eins og sakir standa, á alheimsvísu, að nú sé kominn tími á að konur stjórni þessari plánetu.

Karlmennirnir eru bara búnir að klúðra þessu.

Biðin langa

....og ég beið og ég beið og ég beið.

En það var ekki hringt í mig. Og þessvegna er hjarta mitt brotið og augun þurr og bólgin. Ég var alveg með það á hreinu innst inni að ég hefði markað einhver spor, en svo virðist ekki vera. Ég var ein til. Og mér finnst ég vera eins og tyggjó sem einhver hefur klístrað ofan í öskubakka.

En það er ekki eins og ég hafi gert ráð fyrir að þetta lukkaðist. Miklu frekar eins og að kaupa miða í víkingalottóinu og vona það besta.

Hlutskiptið er skárra en Bólu-Hjálmars en lífið kennir. Ég verð bara að læra að búa með mér og þykja það dásamlegt. Enda er ég ekkert rosalega leiðinleg, held ég...

Meira að segja alveg ágæt bara...

Guð blessi mig í dag

Allra jafna

...léti ég veðrið ekki fara í taugarnar á mér, en önnureins fjölviðris kuldasúpa og boðið er uppá þessa dagana er farin að höggva skörð í jafnaðargeðið.

Ég hef það annars fínt, ætti ekki að vera að kvarta, enginn lofaði vori í mars. Enda hefði það verið stjúpid.

Andleysið svífur yfir vötnum...

Klepptækur

Nú er ekkert framundan nema vinna vinna vinna...

Sem er gott í kreppunni ef maður vinnur sig ekki vitlausan. Ég ætla allavega að stilla allri félagsiðju í hóf næstu vikuna. Meika hreinlega ekki meira en vinnuna svona rétt á meðan törnin endist.

Og í gegn um búkollustækju og djúpsteikingarbrælu berst mér glansmynd af sjálfrennireiðinni sem verður mín í júní.

Framtíðin er björt, nútíðin er lala og fortíðin er liðin.

Elska ykkur öll!

Auglýsingaskrum

Ég hef komist að því að ég er engan veginn í sambandi við húmor ársins 2009.

Hinar nýju auglýsingar Símans bera þess gott merki. Til dæmis er dagskrárliðurinn ólympíuleikar aldraðra á Kanaríeyjum eitthvað sem ég myndi ekki missa af. Sjáið fyrir ykkur spretthlaup kvenna 80+ ára? Hindrunarhlaup og hástökk. Þetta yrði sennilega eini íþróttaviðburður sjónvarpssögunnar sem ég myndi límast við frá upphafi til enda.

Og svo myndi ég hiklaust velja ævintýramyndina um inúítann sem rekur á kajak sínum til Svalbarða fremur en Confessions of a shopaholic...

Það er nú bara þannig...

Og helgin er á enda

Það var líf í tuskunum á þessu heimili um helgina. Heimasætan og Mikki kúrðu í móðurhúsum og Nóa litla kom og gisti hjá okkur. Við spiluðum skrabl og horfðum á meistarastykki Almandovar, Volver, og troðfylltum okkur af menningu.
Frábær helgi og batteríin fullhlaðin fyrir vinnutörn næstu tveggja vikna.

Heilsan hefur verið með besta móti síðastliðnar vikur og er enn, ef frá er talin stóreinkennileg bólga í vinstrihlið efrivarar. Ég lít út eins og einhver hafi kýlt mig í andlitið en kannast enganveginn við neinsskonar skakkaföll. Þetta nýja andlitslýti hefur kveikt hinar ýmsustu spekúleringar og er ég helst á því að þetta sé karmabólga af einhverri sort.

Að lokum langar mig að senda hugheilar samúðarkveðjur til allra sem sakna hans Konna á Húsum. Þar kveður drengur góður og spakur og víst er að mín menntaskólaganga hefði ekki verið eins ef hans hefði ekki gætt þar á göngum.

Guð blessi þig Hákon Aðalsteinsson og þakka þér fyrir öll góðu augnablikin og hlýjar minningar frá menntaskólaárunum.

Jah! Svei mér þá

Ég er ennþá hálf flissandi eftir að hafa verið inni á Feisbúkk og séð stadusinn á Eiríki Brynjólfs:

Lets Play Carpender, First We Get Hammered Then I Nail You !!

Bwaaahahahahaha!

Lítið gleður vesælan eins og þar stendur...

En að öðru og öðruvísi. Það eru mánaðarmót og krepputaugadrullan í stjarnfræðilegri þenslu. Sé samt fram á að geta hugsanlega keypt mér sjálfrennireið í júní ef ég verð jafn mikil hagsýnishúsmóðir og síðustu mánuði. Endilega látið mig vita ef þið vitið um skrjóð sem kostar næstum ekkert og bilar aldrei. Myntkörfulán vinsamlegast afþökkuð!

Ég var að finna skyndihjálparskírteinið mitt. Sem er svosem ekki í frásögur færandi nema að ég drap blessaða dúkkuna í prófinu, svo ég skil ekki hvers vegna ég var útskrifuð í þessu. Hreiðar Gíslason skrifaði allavega upp á þetta. Ég rak augun í málsgrein neðst aftan á bleðlinum sem sagði að réttast væri að endurtaka námskeiðið eftir tvö ár.... Það hefði þá átt að vera 1992....

Nú er algerlega rétti tíminn til þess að ganga í Ársæl og læra þetta drasl almennilega með hjálp manna á stórum jeppum sem fara á fjöll og eru sterkari en ég.... mmmm....

Læt mig dreyma heima!

Þakkargjörð

Og akkúrat þannig líður mér í dag...

Bjórinn

Áður mátti ekki neitt
undir valdsins hæl
En bótagjörð svo fékk því breytt
að byttan brosti sæl.

Kneifðu loksins öl á krá
kappar stórir, smáir
Áratuga þrautar þrá
þreyttir voru fáir.

Fyrst var einn og annar til
ó, mín flaskan fríða
Þriðji fauk og fjórða vil
fljótt og ekki bíða.

Ljóst var strax og leifðist öl
landinn drykki meir
Afleiðingin, bjórsins böl
beiskir sopar þeir.

Hér var áður yndi vort
oft um kvöld að eira
útúrdrukkin laus við skort
Þarf svo eitthvað fleira?

Hátt á himnum leika sér
hæstir guðir saman,
heyrum hvernig er, og fer
Helvíti er gaman.

Djúpt í viðjar drykkjuböls
dregnir voru senn
sukku burt í sinni öls
sómakærir menn.

Drekkur eigi dropa sá
sem dánumaður er
En drykkjusvínin ekki sjá
sæmd, er hægan þver.

Heima er bezt

Ég er komin heim úr skattaparadísinni Bifröst þar sem Sigurður Líndal svífur yfir vötnum og meðalgreindir háskólanemar sjúga þumalinn í sturtunni þegar félagaréttur og arðsemisgreining stingast eins og prjónar í gegn um mjúkan heilabörkinn. Ég er ekkert smá stolt af henni systur minni að vera að meika þetta sull eins og ekkert sé.

Ég braut blað í sjálfri mér þegar ég fjárfesti í fyrsta dvd disknum handa sjálfri mér í dag. Í Nexus. Sumsé fjárfesti í 35 þáttum af Klaufabárðunum sem heita víst Pat & Mat. Uppá tékknezku geri ég fastlega ráð fyrir. Kvöldið lítur því býsna vel út þar sem Heimasætan gerði líka reyfarakaup í The melancoli of Haruhi Suzumiya, allri fyrstu seríu.

Jæja, það er bezt að hundskast í ljós, maður fær víst ekki húðkrabba af sjálfu sér, er það?

Kærlig hilsen

Orlof

Ég er á leiðinni í orlof. Vestur í Borgarfjörð. Það vill svo til að taugar mínar eru með viðkvæmara móti og í stað þess að fara í heilsubótarferð á Frönsku Rívíeruna (sem ég hef ekki alveg efni á) ætla ég að láta Borgarfjörðinn duga. En þar er að finna ókeypis heilsurækt, hollan og góðan mat, andlega uppbyggjandi félagsskap og fallegu litlu stelpuna mína sem ég sakna á hverjum degi. Ég hlakka svo til .

Vinnan mín er búin að vera svolítið erfið síðustu vikur en núna sé ég fram á að geta hlaðið batteríin og keyrt upp andann og massað upp musteri sálarinnar. Ekki veitir af.

Ég vona að þið hafið það gott um helgina og gangið hægt um gleðinnar dyr..

Guð blessi ykkur.

Gleðipillur

Loksins sofnaði ég. Og svaf eins og rotaður rostungur Lengi.

...og þegar ég vaknaði loksins aftur var ég hætt að vera geðveik og rugluð í hausnum og leið aftur eins og kýr að vori. Svona getur góður nætursvefn reynst hið besta meðal við heilastropi og geðbólgu.

Það virkar hinsvegar ekki þannig að kreppuskitan og baslið gufi upp, því miður. Svo ég ætla að fara í vinnuna og vinna að settum markmiðum mánaðarins og vera dugleg og brosandi. Það er nebblega ekkert í heiminum sem ræður því hvernig skapferli mínu er háttað, nema akkúrat ég sjálf. Allir fýlupúkar eru skítapakk sem virðast ekki ná hausnum út úr borunni á sér og halda að heimurinn og tilveran hafi eitthvað með það að gera hvernig boðefni og efnaskipti sullast um í hausnum á þeim. Hnuss!

Bæ ðe vei

...ég EELLSKA júróvisjónlagið í ár.

Guð veri með mér í dag og veiti mér oggoponsu æðruleysi...

Og koma svo!

Eins og batterí úr ársgömlum nokiasíma

Ég vildi óska þess að ég væri frekar með gláku og helmingi rangeygðari en þetta...

Það er að hlýna

Þegar veðrið fer að hlýna og daginn að lengja lyftist aðeins á manni brúnin. Ekki satt?

Ég ætla að fara í labbitúr í dag og drekka í mig fyrirboða vorsins.

Naglasúpan

Það liggur fyrir að Hannesarvörnin góða sé sama stropið og téður Hannes hefur haft tilhneygingu til að æla yfir þjóðina í tíma og ótíma síðustu ár. Blindar bókstafstrúarhugmyndir sem ekki standast grundvallarhugmyndir manna um alheiminn.

Það verða ekki til peningar úr engu. Frekar en súpa af nagla.

Nú þegar menn eru í rólegheitum að átta sig á því að súpan góða er næringarlaus og lítt stemmandi er ekki úr vegi að spökúlera aðeins í því hvað við eigum sem ekki er einskis virði.

Fiskur
Við verðum að auka verðmæti sjávarafurða með fullvinnslu hráefnis og skapa þannig störf fyrir landann. Þetta hefur legið ljóst fyrir frá því að fyrsti gámurinn fór héðan til fullvinnslu á erlendri grundu.

Landbúnaðarafurðir
Við verðum að tryggja að íslenzkar landbúnaðarvörur séu samkeppnishæfar og útflutningur landbúnaðarvara hefur aldrei verið eins mikilvægur og einmitt nú. Aukin skilvirkni og aukin vinnsla á landbúnaðarvörum er gullnáma sem við verðum að læra að nýta hérlendis. Danir kunna þetta og ekki úr vegi að fá þá til samvinnu með þennan málaflokk.

Ál
35% af veltu álrisanna verður eftir í landinu. Reynum að draga úr geðshræringu þjóðarinnar og þökkum pent fyrir að þessir auðvaldsterroristar settust að hér.

Hugvit
Ég er enginn sérfræðingur um hugvit enda hugvit-laus. En segja mér fróðir menn að með rækt við þau sprotafyrirtæki sem eru að vinna að útflutningi á hugviti megi bæði skapa gjaldeyristekjur og störf fyrir menntað fólk. Allt í lagi að skoða það aðeins.

Skógrækt
Er framtíðarhugsjón með aur við sjóndeildarhringinn. Það er hægt að rækta peninga og það er pláss fyrir tré á Íslandi. Tilvalinn hugmynd að atvinnubótavinnu. Vistvæn, hnattvæn og náttúruleg leið til þess að skapa verðmæti. Bæði fyrir ferðaþjónustu og timburframleiðslu í framtíðinni. Lengi lifi Fljótsdalshérað!

Grænmetisframleiðsla
Það má með litlum tilkostnaði rækta hérlendis nægilegt grænmeti fyrir landann allan og jafnvel Skandinavíu líka. Það er alltsaman spurning um pólitískan vilja. Við eigum orkuna, viljum við nota hana til þess að skapa tekjur eða viljum við bara selja öðrum hana til stóriðju? Fyrir slikk, nóta bene..

Ég læt þetta nú bara duga á þessum föstudegi þrettánda. Allt í lukkunar velstandi og börn og bura væntanleg í móðurfaðm. Er á mörkum maníu þessa dagana og þessvegna einhvernveginn allt að gerast, en á meðan almenn geðveiki er innan skekkjumarka er yfir fáu að kvarta.

Guð blessi ykkur hvort sem ykkur líkar betur eða verr...

Góða helgi.

Þér hámenningarstétt

Hnuss!

Ég er búin að fá nóg af því að heyra að smekkur minn á tónlist sé einhvernveginn annarsflokks ef ekki Vondur. Það þykir víst allt í lagi að drulla yfir þá sem hlusta á Fm957 af því það eru hnakkar og ljóskur sem láta fóðra sig hugsunarlaust með auglýsingaskrumi og fjöldaframleiddri tónlist.

En það er bara alls ekki í lagi að gera lítið úr fólki sem hefur annarskonar smekk en aðrir. Ég hef bara ekki verri smekk á tónlist en hver annar.

Máli mínu til stuðnings langar mig að árétta að Allar íslenzkar sveitir sem ætla að meika það erlendis vilja komast í fjöldaframleiðslu, en þær eru oftar en ekki, langt frá því að vera nógu góðar. Stóra meikið hans Magna segir okkur eitt og annað um gæði sveitaballasöngvara. Þeir eru bara helvíti góðir margir hverjir.
Í vinnunni minni er hlustað á Fm957, á öllum sólbaðsstofum sem ég hef komið á í Reykjavík, er útvarpið stillt á Fm957, allir klúbbar spila sömu tónlist og spiluð er á fm957 og svona mætti lengi telja.

Ég held að það sé kominn tími á að þeir sem hlusta á annað en ég, læri að halda kjafti í návist sálar og komist yfir það í eitt skipti fyrir öll að hvorki Björk né Sigurrós verða nokkurntíma eins vinsæl og Justin Timberlake.

Það er nú bara þannig elskurnar.

Davíð

Hann vill ekki fara. Hann ætlar ekki að láta bola sér úr embætti eins og hann hafi gert eitthvað af sér sem miður fór. Og hann mun ekki sættast á neinar málamiðlanir.

Það er af því að hann er hálfviti og drullusokkur.

Því miður!

Er búin að vera að reyna að fá einhvern vitrænan botn í þetta Selabankamál alltsaman en niðurstaðan er svona. Hálfviti og drullusokkur.

En að öðru...

Ég held að ég sé að fá enn eitt geðveikiskstið...

Eða að ég var að fá uppvakningu og hugmynd að hinni fullkomnu hamingju...

Og maður spyr ;
Hvað gera bændur þá?

-en að öðru

Vísindamenn við Cambridge-háskóla hafa þróað nýja aðferð við framleiðslu ljósdíóða sem eiga að geta enst í 60 ár. Boða þeir byltingu sem muni ekki aðeins útrýma glóðarperunni, heldur einnig sparperunni.
Ljósdíóður endast miklu lengur en aðrir ljósgjafar, allt að 50.000 klst., og nota miklu minna rafmagn en þær hafa verið nokkuð dýrar. Nýja uppgötvunin gerir hins vegar hvorttveggja, að lengja enn endinguna og gera framleiðsluna ódýrari. Það er því útlit fyrir að margir þurfi ekki að skipta um peru nema einu sinni á ævinni.

Og það er bæði fróðlegt og áhugavert.

-svo tilkynnist það hér með að ég er hætt að versla við IKEA þangað til þeir láta segjast og hætta að nota fiður og dún af lifandi fuglum, sem eru píndir og sveltir, mér býður við slíkri meðferð á lifandi veru. Og andskotinn hafi það...

Já, þið segið það?

Hófurinn gnat við hálkunni,
hrossið frat og prjónaði,
eins og krati í embætti
áfram ratar hneggjandi.

Örstutt um Evrópusambandið

Hvað nú ef Evrópusambandið er ekki þetta vináttu/allir græðafjelag sem sumir tala um heldur:

Meira svona "Sameinuð Evrópa" a la Hitler?

Vegna þess að þannig komast fyrrum heimsveldi eins og Frakkar og Spánverjar aftur til hernaðarlegra valda, og Bretar spyrja sig; Gætum við með Evrópu staðið gegn Rússum og jafnvel Bandaríkjamönnum? Þeir eru enn að hugsa sig um. Haldið þið að þetta snúist um Pundið?

Þeir sem gæla við þá hugmynd að ganga í Evrópusambandið gera jafnan grein fyrir því að við gætum á von á "sérmeðferð" þar inn, hraðsendingu. Og hvers vegna? Maður spyr sig hvort kunn hernaðarlega mikilvæg hnattstaða hafi eitthvað með það að gera.

Ég fæ ógeðshroll og geðspreng við þá tilhugsun að þarna úti gangi um einstaklingar sem eru tilbúnir að selja bæði lagavaldið og dómsvaldið í hendur stríðsherra og gróðabraskara, selja burt sjálfstæðið fyrir hvað?

Sjálfstæða Eurovisionkeppni fyrir vesturlöndin?

Well, fuck you all!

Landið og miðin

Silfur hafsins fyllir Vestmannaeyjahöfn. Sem er gott. Dabbi feiti og fjelagar voru flengdir af Jóhönnu Krataformanni, sem er líka gott. Og svo er líka fallegt að hafa snjó yfir öllu.

Jábarasta lífið er alls ekki svo bangið hér í borg óttans.

Set stefnuna jafnvel á sprikl og sólbað á morgun og bý mig þannig til vorsins sem verður komið áður en málhölt hæna nær að segja: Firni af fiðri í syðra firði.

Og hana nú og Guð blessi ykkur

Skíðalegt

Það er alvega gasalega skíðalegt þessa dagana. Og einkar sorglegt að eiga hvorki bíl né skíði á svona dögum. Hmmm... Kannski er hægt að leigja sér skíði einhversstaðar og bruna niður brekkur með snúð á vör og glampa í augum.

Eins og í kirkjubrekkunni forðum daga. Guð hvað það var gaman. Jesús Pjetur, eða í Oddskarði og á Fagradal og uppí Fjarðarheiði og meira að segja í Stafdal. Jibbíkóla.

Hmmm... Best að láta sig dreyma

Eitt og annað

Við gengum okkur til heilsubótar, niður í bæ, börnin og ég.
Það varð margt og mikið áhugavert og skemmtilegt að sjá og heyra. Og við fórum svona að spögúlera eitt og annað til.

Hvað er lykt?
Hvað líður langur tími á milli hringinga í venjulegum heimasíma?

Við ötuguðum þetta með símann, en við erum enn ekki alveg viss með lyktina...

Er lykt gös?

Jah, maður spyr sig.

Skítkast

Faðir vor
Þú sem býrð í Seðlabankanum
Helgist þitt fall
Tilkomi nýtt ríki
Verði vor vilji
svo á Alþingi sem í Seðlabanka
Gef oss í dag, vora lækkaða stýrivexti
og fyrirgef oss vorar skuldir
svo sem vér og fyrirgefum
vorum skuldunautum.
Eigi leið oss í þá freistni
að frelsa þig frá eigin villu
Því að þín er skömmin,
sviksemin og falsið,
að eilífu

amen

Hvaða rugl er nú það?

Barnaheill, Save the Children, á Íslandi harma sýknudóm Hæstaréttar frá 22. janúar sl. yfir karlmanni sem m.a. var ákærður fyrir brot gegn 1. og 3. gr. barnaverndarlaga, en hann hafði ítrekað beitt tvo drengi, fjögurra og sex ára, líkamlegum refsingum með því að flengja þá. Þetta kemur fram í fréttatilkynningu frá samtökunum.

Ókei.

Svo núna hefur verið gefin út heimild í lögum að flengingar í refsingarskyni séu í lagi. Jafnvel gegn börnum. Skiptir þá engu hver tekur það að sér og hvers vegna .

Víst svo er mælist ég til þess að útrásarvíkingarnir, Davíð Oddson og aðrir aumingjar verði hýddir á Arnarhóli næstkomandi laugardag klukkan 15.00.

Svona í uppeldislegum tilgangi.

Allir veikir

Það eru allir voða lasnir þessa dagana, ég vil nota þetta tækifæri og óska öllum batns hið fyrsta.

Dagurinn einkenndist af tilraunum til stórþvotta og dugnaðar, með nettum pólitískum kúnstpásum. OMG, minn tími kominn og hjartað farið að slá taktfast vinstra megin og dæla rauðu byltingarblóðinu með frussi og látum.

Sæll!

Fyrsti lesbíski forsætisráðherra veraldar.

Kúlasta fokking snilld sem rekið hefur á land ísa og ýsa frá landnámi eða svo.

Guð blessi Jóhönnu Sigurðardóttur

og víst maður er byrjaður:
Guð blessi forsetann og ættjörðina
amen

Og það verður kosið

Já það verður kosið og alles. Og nú verður gaman að sjá hvað stjórnarandstaðan lofar að gera, hmmm og stjórnarflokkarnir líka. Verður þeirra fyrsta verk að skutla stjórn Seðlabankans út í hafsauga?

Speki dagsins er úr Orðskviðunum 27:17

Vinur er sá sem skilur fortíð þína,
trúir á framtíð þína og tekur þér
eins og þú ert í dag.


Guð blessi Geir

Annar í mótmælum

JESS!
Loksins, loksins að eru mótmælendur farnir að fá stjórnmálamenn aðeins til að kippa.

Af öðru er það helst að frétta að Ragnar liggur í pest, þvottafjallið er að stækka og kisfinnur er móðursjúkur. Sjálf ætla ég að erindast um stofnanir með pappíra og láta stimpla og vesen.
Svo er það nottlega blessuð vinnan. Og allt dramað þar. Úff.

Best að fara að haska sér áður en Syss fær geðbólguflog, sem ég ætti reyndar alveg skilið fyrir meðfæddan slugsahátt.

Guð blessi Ykkur.

Geðveik Ari

Allt þetta Ástand og Bylting og Svik og Landráð og Óréttlæti er farið að hafa áhrif á andlega heilsu mína. Enda vart á Myrkur og Kulda og Fátækt bætandi.

En ég á líka svolítið með mér í farteskinu sem reddar þessu öllu. Vonina, Ástina og Vorið.

Og þegar þjóðin þjappar sér saman í eldrauða októberbyltingu í janúargarranum og eitt einasta smáblóm syngur Nallann í hjörtum mannanna sem sletta skyri, kveikna sprotar nágungakærleikans, réttlætisins og frelsisins í þöndu fylkingarbrjósti kúgaðs verkalýðs undir söng sírena og fréttasnápa.

Þá er gaman lifa.

Lifi byltingin og Guð blessi Ísland!

Helförin

Það er ekki bara Ísraelsmönnum að kenna og svona er komið. Segja Danir.

Það er sumsé ekki Ísraelsmönnum að kenna að sundurlimuð lík smábarna rata á forsíður blaða dag eftir dag. Og það er ekki heldur þeim að kenna að meðalaldur á Gaza er eins og í þriðjaheimsríki, og skólar eru sprengdir í tætlur og hjálpargögn og alþjóðasamtök fá ekki að komast inn á svæðið. Það er þá varla Ísraelsmönnum að kenna að þegar 11 hermenn úr þeirra röðum voru fallnir, lágu 1100 palestínskir ríkisborgarar á öllum aldri í valnum.

Nú er svo komið að þjóðir heims eru að missa þolinmæðina. USA-terroristarnir verða að fara að gleyma þessu gæluverkefni sínu ellegar við fáum að sjá aðra Helför gegn gyðingum. Mér sýnist á öllu að það verði endirinn á þessum helvítis fáránleika sem sýndur er á öllum stöðvum.
Stuðningur BNA er helsti hvati útbreiðslu gyðingahaturs og nýnasisma um allan heim. Er það kannski plottið, eða hvað. Þurfa olíuframleiðendur og bandaríska hagkerfið kannski stærra stríð til að koma sér í lag? Maður veltir því óneitanlega fyrir sér hvað vakir fyrir vesturlandabúum að líða þjóðarmorð á Gaza.

Mig langar að biðja ykkur að sína Palestínuaröbum stuðning. Talið um ástandið, fordæmið aðgerðarleysi stjórnvalda, mætið á mótmæli og biðjið fyrir þeim fjölskyldum og einstaklingum sem eru að missa lífið, ástvini eða aleiguna.

Guð blessi Palestínu

Nýja árið

Ég ætla að hafa nýja árið betra en það gamla. Samt var þetta gamla barasta mjög heppilegt í alla staði, má segja. Áramótaheit ársins verða þau sömu og venjulega: verða betri móðir, vinur, meyja og allt það. Samt ætla ég að strengja eitt svona í fyllstu alvöru, og það er svo að ég ætla mér að vera menningarlegri á nýja árinu. Enda veitir ekki af andans uppörvun og innspýtingu svo ekki verði af manni öllum frá gengið með heimsendaspámennsku og harmakvælum.

Svona til þess að byrja þetta, er við hæfi á áramótum að spá og spekúlera.

Hann Nostradamus ku hafa sett í kvæði nokkra eðal spádóma sem keppast við að rætast, ég rak augun í kvæðastúf eftir Þórarinn Eldjárn í dag sem kom mér einstaklega þannig fyrir sjónir, og spurning hvort við getum ef til vill hampað íslenskum skáldum sem Nostradömusum nútímans og grætt á tá og fingri.

Kvæðið er svona:

Fundarboð

Hefðiáttfélagið heldur
hátíðafund í kvöld.
Kondu ef þú vettlingi veldur
þeir verða með sölutjöld.

Margskonar minjagripi
mun vera að finna þar
fallega fortíðarsvipi
framtíð sem eitt sinn var.

Heimsþekktur heiðursgestur
harma mun stórt og smátt
hann flytur þar fyrirlestur
um flest sem við hefðum átt.

Svo verður umræða á eftir
aðallega um það
sem áður fyrr að þú kepptir
en átti sér svo ekki stað

uns örugg við okkur blasir
eftiráviskan spök.
Þá verður núið um nasir
og nöguð handabök.