Takk fyrir það

Mig langar að þakka fyrir mig.

Takk fyrir jólakveðjur. kort og gjafir, þið þarna öll sem ég gleymdi ekki en sökum kreppu voru jólakortin skorin við nögl þetta árið.

Ég fékk það sama í jólagjöf frá Eyfa og það sem hann gaf mér. Snilld það!

Ég fékk bókina hennar Rannveigar Þórhalls, frá Álakvíslinni. Snilld tvö það!

Ég borðaði heila kind á jólunum, saltaða og reykta. Og hálft svín. Og fleira...

Ég las Vampírubókina á jólunum og hafði bara hálft í hvoru nokk gaman af.

Ég bið að heilsa öllum og þar sem ég les þetta yfir sé ég að færslan er á einhverskonar áramótaheitaformi, fyrirheit það! Og gargandi snilld.

Bæó

Gleðileg jól

Ég sendi vinum og ættingjum ósk um gleðileg jól og falrsæld á ári komandi. Megi gvuð í uppheimum vera með yður um allar jarðir....

Beztu kveðjur

Heiða Skúla

Í hnotskurn

Hnotskurnin er margslungin. Saga er á leið frá Bifröst með viðkomu í móðurhúsum áður en haldið verður til lands Saxa, en þó ekki læknis. Jólagjöfunum hefur verið hlaðið upp á borðstofuborðið og bíða þeir pökkunar og útkeyrslu. Hvernig ég fer að því svona zúkkulaus, veit ég ei svo gjörla. Það verða einhverjar ausur og boruð einhver göt. Það er víst venjan.

Það hefur orðið að venju og jólahefð að ég enda alltaf jafn ráðalaus þegar kemur að jólagjöfum handa Jódísi og Eyjólfi. Síðustu tveir pakkarnir eru í ár, sem fyrr, andleysið eitt saman. Hvaða trix get ég kallað yfir mig og tæklað þessa þraut?

Jújú, ég veit það sosum, blessuð Kringlan.

Sendi ykkur tóninn, la, ef ykkur langar að syngja í dag....

Desember

Síðasta verslunarferð fyrir jól.

Aðeins fjórir pakkar eftir og svo alles klar. Brunað austur á föstudaginn og haft það gott fram á þann tuttugastaog sjöunda eða svo. Þá verður skundað á sollinn aftur. Plan sem ekki getur klikkað...

Desemberdramað

Dramsneytt líf er það sem ég óska mér í jólagjöf í ár.

Og svo nýja ríkisstjórn, upprætingu hungurs í heiminum, frið um allar jarðir, freyðibað og kertaljós.

Annað var það nú ekki í bili...

Fimm á netinu

Komst á netið í fimm, í Landsbankanum.

Sendi hugheilar óskir um hvaðeina fram að næsta skreppi...

Terroristi

Ég hef ágætan húmor. Svona í alvöru talað. En mér þykir terroristahúmor Tjalla einum of mikið af því góða. Og kröfur þeirra um stríðsskaðabætur dálítið skrítnar. Var það ekki svo að bissnissmenn dauðans fengu líkt og heima hjá sér að hræra í hinu tjallíska hagkerfi eins og í drullupolli. Bretar settu þeim hvergi stólinn fyrir dyrnar og lögðu meðal annars opinbert fé inn á þessa skítareikninga sem víkingasveit dauðans bauð uppá. Ef hvaða stofnun sem er í Bretlandi má fjárfesta í hverju sem er, fæðubótarþríhyrningasölu eða álíka eða senda fé sitt inn á hvaða fjármálastofnun sem þeim dettur í hug, ættu þeir að minnsta kosti að sjá sóma sinn í að hafa eitthvað eftirlit með opinberu fé. Við vorum nú líka að fatta þetta hérna uppi á klakanum að það þarf að hafa reglur og eftirlit svo glæpamenn vaði ekki uppi. Bretar pissuðu í skóna sína og ég ætla ekki að borga það fyrir þá.

Og hana nú...

Betri eru tveir gestir í húsi en kaka í skógi

Hún ríður sjaldan við einteyming, ógæfan.

Annað barnið þjáist af næringarskorti og þarf sprautur en botnlanginn var skorinn úr hinu.

Bæði eru á batavegi.

Blóm og kransar vinsamlegast afþakkaðir en þeir sem vilja minnast oss er bent á það er kreppa.

Góðar stundir

Það góða

Þegar allt virðist á beinustu leið til helvítis er gott að staldra við og athuga hvaða jákvæðu afleiðingar ástandið gæti haft.

Mér datt þetta í hug:

Nú þegar pólverjarnir eru að flýja heim til sín verða til störf á leikskólum, elliheimilum, skólum og víðar í velferðarkerfinu sem veruleikafirrtir verðbréfabraskarar geta sinnt. Gamla fólkið gæti jafnvel kennt þessu dóti eitt og annað um gömul og góð gildi, og það á íslenzku.

Þjóðin hefur samkvæmt rannsóknum fitnað í góðærinu, nú má gera ráð fyrir að mörinn fari að bráðna og heilsa landsmanna að batna. Að ég nefni nú ekki tannheilsu barna.

Sjávarútvegur og ferðaþjónusta skapar gjaldeyri. Nú er að sæta lagi og selja útlendingum aðgang að hálendinu. Selja þeim óvissuferðir um borð í frystitogara og allskonar frumlegt. Nú er tími til þess að hugsa útfyrir kassann og græða.

Þar sem ég er loksins orðinn eigandi að íslenska bankakerfinu líður mér eiginlega betur. Það er gaman að eiga banka. Sjitt hvað það væri gaman að eiga kvótann líka.

Ál er hið besta mál. Það er framtíðin. En núna ættum við að hækka svolítið verðið á orkunni okkar til stóriðju og lækka verðið til íslenzkra garðirkjubænda. Mér persónulega þætti eðlilegt að garðirkjubændur fengu sama díl og álverin.

Nú er lag að hækka tolla á óþarfa. Æ rest mæ keis.

Og þeim sem finnst gott að fá sér neðan í því ættu að nýta sér ástandið og læra eitthvað nýtt, til dæmis að brugga.

Með gleði í hjarta og hausinn í lagi.

Heiða

Sjálfsstjórn

Ég var að fatta nýtt trix.

Fólk sem hefur yfirleitt litla stjórn á skapi sínu er upp til hópa með hausinn fastann á kafi uppi í rassinum á sér.

Og mér líkar ekki svoleiðis fólk.

Hvernig ég hef það?

Ég hef það bara fínt.
Allt gott að frétta.
Bara svona meinhægt.
Þetta er nú meiri tíðin.
Já, kreppa og hver veit hvað.

En andinn er brostinn, veskið er tómt, ástin er horfin, börnin farin og hjartað í molum.

Annað var það nú ekki í bili.

Hmmfff...

Út er komin bókin Skitið upp á hnakka eftir Davíð Oddson. Bókin er hluti dramaverka í ritröð framámanna á Íslandi eins og Halldór Kvótakall, Geir hrokagikkur og Bankinn Minn eftir Sigurð Einarsson.

Ekki er brotið blað í íslenzkri menningarsögu enda óstjórn og vængeblingaháttur frumskilyrði þátttöku í íslenzku stjórnkerfi.

Ég vil fá að sjá hausa fjúka fljótlega. Það er bara þannig.

Rokkstig dagsins fær Sigríður Ingibjörg Ingadóttir en hún virðist eina manneskjan í Seðlabankaklíkunni sem hefur snefil af manndómi innvortis.

Heyr heyr, fleiri konur í stjórnarstöður!!!

Kapítalismi dauðans

Það á að styrkja geðsvið Landspítalans. Ekki veitir af þegar fréttamenn ala á ótta og hræðslu almennings og virðast leynt og ljóst ætla að leggja andlega veikburða fólk í gröfina. Nenniði að halda kjafti í smá stund. Nenniði að auka ekki á það álag sem hvílir á þjóðinni. Nenniði að vera fólk en ekki hýenur ógeðin ykkar.

Og hvenær á svo að þjóðnýta kvótann? Oft var ráð, en nú er nauðsyn. Notum þetta ástand til þess að færa þjóðinni aftur það sem af henni var stolið. Síminn, bankarnir og kvótinn, játakk.

Svo má hugsa sér að víst kynslóðirnar sem lifðu af kreppuna miklu og verðbólgudrauginn lifa enn við hestaheilsu þá erum við varla á heljarþröm, er það.

Það verður svo að segjast eins og er að það hlakkar í mér þegar fólk flykkist í kirkjur landsins og menn ræða frekari álversframkvæmdir. Hér eftir ætla ég að kalla alla hippa og kommúnista fólk með Bjarnfreðarsonarheilikenni. Múhoohaahaa!

Margur verður af aurum api

Guð veri með ykkur

Heiða Darwins

Óstjórn

Mig langaði nú bara að minna ykkur á þá góðu staðreynd að ástandið fyrir botni miðjarðarhafs er enn verra en ástandið á Íslandi. Enn sem komið er eru engir brjálæðingar að sprengja ástvini okkar í tætlur.

Þraukum þorrann og góuna saman og gerum kröfu um að fylleríispakkinu sem setti landið á hausinn verði refsað duglega.

Heiða hin grimma

Þó ég gangi um dimman dal

Sjittur í fokki hvað ég hatan veturinn. Og mér þykir skömm að því að hann ryðjist af stað löngu áður en nokkur tími er til.

Ég sá skemmtiþátt á RUV í gær, Alþingi með stefnuræðu forsætisráðherra og kvabbi og kvarti annara þingfífla. Enginn skammaðist sín fyrir ástandið nema bóndinn í vinstri grænum, en hann hafði engar lausnir í boði fyrir þjóðina frekar en neinn annar. Ég hef alltaf sagt að á hinu háa Alþingi ættu að gilda sömu fjarvistarreglur og í framhaldsskólum og laun ráðamanna ættu að sjálfsögðu að vera árangurstengd. Eins og reyndar kennara.

Alþingi er bara skítasjoppa, því miður. Meirihlutinn er fífl og þeir fáu sem enn muna hvað hugsjón merkir fá ekki að ráða neinu. Hmmfffrr....

En í þessum þjóðfélagslegu hörmungum öllum saman og heimskreppunni er fátt betra en fara í langa göngu, fá sultardropa á nefbroddinn og skríða svo heim í heitt kakó og kleinur. Með góða bók og teppi. Kjams.

Lifið heil. Styrkið Krónuna ef þið getið. Farið varlega með aurinn ykkar.

Heiða hamhleypa

Fátt ber til tíðinda í kreppunni

Þá er bara að hefja rannsóknarblaðamennsku og rannsaka blöðin. Hvað ber þar nú hæst?

Ó, jú, viti menn það er K R Ó N A N sem smyr sér á forsíðurnar rétt eins og hún hefur smurt sér á sívaxandi síðuspik manna í gósentíðinni síðustu ár. Hversu óhemju þunglamalegar geta fréttir orðið? Jah, maður spyr sig.

Svo er víst komin ísöld fyrir norðan og hér syðra er skítaveður. Geisp.

En viti menn, hvað laumar sér með heimsendaspámennskufréttum? Herregud, forsetinn ætlar að færa þjóðinni 1.des aftur og hefja þann dag til virðingar.

Svo er bara að vona að hann verði málaður rauður svona í tilefni dagsins.

Kossar og knús

Heiða hamingjusama

Drepfyndið

Það er alveg með ólíkindum hvað alheimurinn er mikið trix. Ég vaknaði í vondu skapi og geðvonskaðist um íbúðina alveg þangað til mér datt í hug að fara í bað.
Góð slökun kemur skapinu í lag, ekki satt. Þar sem ég lá í baðinu og beið þess að fýlan og þunglyndið bráðnaði af mér heyrði ég að nágrannakona mín skellti lagi á fóninn.

Og viti menn, hún er að verða búin að spila alla jólaplötuna með Bóní Emm.

Þá er erfitt að vera fúll, múuhoohaaaaahaaaa.

Nú gekk fram hjá mér

Klám er sívinsælt umræðuefni. Svona rétt eins og bókmenntir. Maður ræðir hinsvegar klámið síður innan um börn, eða það hélt ég að minnsta kosti þar til í gær.

Strætó er með bókmenntaátak í gangi. Er með öðrum orðum að auglýsa þær bækur sem hellast yfir landann fyrir jól. Á hverju sæti í strætóum bæjarins hangir spjald þar sem hver bók er auglýst fyrir sig. Ég var svo heppin að setjast þar sem bók um enska hóru var kynnt. Ég hef ekki hugsað mér að leggja dóm á verkið, svona fagurfræðilega séð, ég læt öðrum og fróðari það eftir en ég hlýt að setja spurningamerki við það að jafn grófur texti, sem felur í sér nokk nákvæmar lýsingar á hórdómi eigi heima í bland við börn á leið í skóla. Menn verða að átta sig á því að sjö ára gömul börn kunna mörg hver að lesa.

Og þessvegna fær strætó BÁGT! þessa vikuna

Ég kveð með gremju í dag.

S-24 og þú hagnast

Zúkkan er á leið í Sorpu.

Það er bara þannig og ný leið vor um ranghala borgar óttans er mörkuð gulum vögnum. Ég tók S-24 í morgun og fann mig sem barnapíu í Ártúnshverfi. Ekki amalegt það.

En það verður með bæði sorg og trega sem við kveðjum Zúkku de lúx, nú munu bein hennar hvíla í klumpum hjá Endurvinnslunni en sálin svífur heim til Japans til hinna Samúræjanna.

Far vel, far vel. Fljúgðu á vængjum morgunroðans.

Lægð yfir landinu

Þetta er nú meiri lægðin. Barómatið stendur í 972 millibörum og brúnirnar á mér ná saman. Ég er búin að vera með sígeysph í allan liðlangan dag og þyrfti eiginlega að vera löngu dottin í bælið, með sæng uppfyrir haus.

Og svo er mér líka kalt... Brrr...

Föstudagur

Bara kominn enn einn föstudagurinn og má vænta helgar í kjölfarið...
Heimasætan og Mikki verða í móðurhúsum og bíóferð að miðju jarðar með flatböku í forrétt er málið.


Ég hef í annan stað verið að velta fyrir mér þessu krepputali. Ég fæ ekki séð miklar breytingar í mínu umhverfi, fólk hámar í sig pylsur og franskar fyrir það fyrsta, hinir í umhverfi mínu éta á Hámu. Og allir á bíl og allir með vísa og allir að mæðast og allir að eyða og spreða eins og fávitar. Í allt nema skuldirnar sínar.
Vinna meira, éta minna og reyna eins og rjúpa, að rembast við það að vera jákvæður..

Núna ætla ég hinsvegar að skúra heima hjá mér, kauplaust, og syngja ástarljóð til Bahama!


Góða helgi...

Klasageðstropf

Ég er nemi í HÍ. Það er sko gaamaaaan... Svo til þess að eiga fyrir nánöglum tóbaki hef ég hafið störf við hamborgarasteikingar við Miklubraut og lykta þessvegna eins og hin margfræga Búkolla á stundum.

Annars fer lífið nokk vel með oss og biðjum yður farsældar á tímum heimsendaspámanna...

HANN LIFIR!
hann lifir í þér

Nemi

Og núna er maður nemi. Nema hvað?

Fékk fagurlega samsetta stundatöflu og starði á hana lengi dags. Með ofurlítilli angurværð. held ég bara.
Nú þarf maður sem aldrei fyrr að grípa réttri hendi í eitthvað haldbært og gerast dúer, ekki þínker.

Annars bið ég bara að heilsa ykkur öllum elskurnar mínar.

Sveitaball

Heimasætan fékk heimild að steðja á sextánáraball í Valaskjálf. Eitt af þeim sem kennd voru við flösku hér í denn.

Og ég hváði; Dæs.

En Sorglegt nokk, daman hafði ekki skilríki við hönd og mátti hverfa frá.

Og hvernig líður manni þá?

Dáið blogg...

Nei nei nei....

Spurning um að hysja upp um sig og taka eins og eina spýtu.


Og klára hana!

Annars er ég með hressara móti og er að rembast við að njóta lífsins í blíðunni. Línuskautaferð í bígerð í dag, jafnvel silungaveisla. Hver veit?

En bloggið er hér með upprisið og komið til síns heima, og vonandi ekki of Heiðið fyrir pupulinn...

Lifið í ljósi en ekki í fjósi...

Ferðalag

Nú á að flengjast af stað í ferðalag. Og það ekkert smáræðis, heldur allan heila hringinn með viðkomu í allskyns vötnum í veiði. Halelúja.

Því miður hefur veiðigleðin verið dræm í sumar en nú stendur sumsé til að bæta úr því, bora á hana gat og hvaðeina. Og ekki verður amalegt að skoða andarunga á Hafrafelli og kíkja í kaffi til mömmsu. Hver veit hvort syss verði mætt á undan og þá verður nú gaman.

Ég óska svo landsmönnum öllum velfarnaðar á helgi drykkjuláta og almenns fávitagangs....


Já nú finnst mér gaman!

Allt við það sama - ekkert drama

Ég brá mér á spítala um daginn til rannsóknar á geðbólgum vorum. Endurgreining hét það víst og fínt skal það vera. Niðurstaðan var einföld. Ég er jafn geðbólgin og áður, og alveg hreint eins geðbólgin og alltaf áður.

En ég fékk nýjar pillur. Og viti menn, konur og börn, ég hef öðlast svefnmunstur aftur. Sofna eins og venjulegt fólk á kvöldin og vakna fyrir hádegi án teljandi vandræða.

Mörgum kann að þykja það heldur slappar fréttir en bíðum nú hæg,,, ég hefi nebblega alls ekki sofið eins og annað fólk í áraraðir og fyrir mér er þetta nýr heimur, fullur orku og framkvæmdagleði.

Svo hraustleg framkvæmdagleði að ég málaði eina umferð yfir stofuna hjá Syss. Halelúja. En það versta er að það gæti flýtt fyrir brottflutningi þeirra frá vesturbakkanum upp í sveit að nema speki.

Annars var það ekki meira í bili...

Án titils

Það er mánudagsmorgunn og klukkan segir sex. Vaknaði við sjálfa mig eldsnemma og get með engu móti sofnað aftur.

Ég heyrði í Sögunni minni í gær. Hún lætur vel af Englandsdvöl sinni og hefur hvorki vitnað né þátttekið í hnífstungumálum þarna niðrá Bretlandi. Hjúkk.

En kettirnir sakna hennar, eins og ég...

Sunnudagsblogg

Morguninn var tekinn snemma þann daginn. Henzt heim og gerður skurkur í tengingamálum uppþvottavéla. Þegar svo var komið við verkin að ómþýður sístígandi vélarinnar söng kettina til lanz-drauma, átti ekkert betur við en blogga.

Það er allt gott að frétta.

Búin að fara á Klaustur og í útilegu um uppsveitir Árnessýslu. Gman.

Hilsen

Hvað ég vildi að þú værir hjá mér...

Stundum finnst mér eins ogg heimsendir sé um það bil að detta í hausinn á mér.
Þá fyllist ég slíku æðruleysi að mér verður nánast skítsama um allt. Og allt vegna þess að mig vantar vit til að greina á milli þess sem ég get breytt og þess sem ég get með engu móti stjórnað.

Hvaða fokk er það?




En núna þegar mér líður einmitt svona er mér hollast að hugsa sem minnst og reyna heldur að líða áfram.
Vonandi hafið þið það gott í dag, föstudagsbloggið verður að fá að rokka í þessari viku.

Jahérnahér. Ofboðslegur dugnaður ríður röftum og skekur hús mitt. Þvottavélin er á akkorði og það bókstaflega ríkur undan mér í framkvæmdagleðinni.

Maður lifandi...

Nú snúast vindar til allra átta með moldroki og rigningu með köflum. Það rignir eiginlega skít, allavega ef miðað er við bílinn minn.

Allt er við það sama, gegningar ganga vonum framar og heimilisfólk bætir á sig kílóum af spiki og kirtlum.

Kálát er málið núna, sýnist mér á voginni.

Heya!

Jah! Nú gengur fram hjá mér

Ég steingleymdi að óska lesbíum og hommum landsins til hamingju með jáið frá ríkiskirkjunni og þeirri staðreynd að vinsælasta lagið í dag (a.m.k. meðal unga fólksins) er einmitt "I kissed a girl and I liked it, hope my boyfriend don't mind it" sungið af stúlkukind.




Það er sumsé réttindadagur samkynhneigðra í dag, húrra fyrir því!

Svo má spyrja sig hvort hinn nýi og glæsti sumardrykkur Egils Skallagríms hafi farið fram úr sér? Rí-mix er nottlega miklu betra en Re-mix, kjarngóð íslenzka.

Rak augun í auglýsingu í gær, fannst hún skondin:

Þarft þú að hækka fjárhaginn hjá þér?

Ég veit ekki með ykkur en ég geri ekki ráð fyrir að leita mér fjárhagshjálpar hjá viðkomandi...

Heya Pippi!

Föstudagur til ferðalaga?

Eða hvað?

Það væri nú ekki amalegt að renna sér uppað Enneinum og taka nesti og bruna út í óbyggðir. Enda kalla þær og ég verð að gegna því sem ég heiti ey-rún.

Nú er þetta bara spurning um að fletta í gegn um Fréttableðilinn og láta athugast hvort Maðkaveita miðborgar og skjönz ehf, eigi einhverja feita orma á boðstólum. Jibbíkóla-veiðibóla.

Háttvirtur forseti, ráðherrar, læknar, lögfræðingar og prestar (og óbreytt alþýða ef vill): Ég sendi ykkur og landsmönnum öllum hugheilar sumars og sólarkveðjur. Gvuð blessi ykkur öll.

Ingabarðibörnin.

Verkefnasúpa með vægum aukaverkunum

Púff, sagði pabbi í paltadeiginu.

Og púff sagði ég í verkefnasúpunni upp að eyrum og svamlaði ráðvillt um í leit að gulrót sem gæti lokkað mig uppúr pottinum.




En svoleiðis gengur þetta fyrir sig, ein spýta í einu og klára hana.

Amen

Halló Reykjavík...

Er komið sumar eða hvað?

Ljúfir dagar líða hjá
leitt að fara á-lyf
Læsa allt í lágdrif.
Hársprey úða hárið á
beint á ská og aftanfrá
svo treysta má og megi fá
gróðurhúsaáhrif...

Húrra fyrir mér!

Sumarið er tíminn

Nokkrar af uppáhalds sumarmyndunum mínum

Mangalús




Mikið agalega er ég nú búin að skemmta mér vel um helgina og skemmst frá því að segja að ekki er allt búið enn. Matur í Álakvísl með síðbúnu afmælisbarni sem fær að sjálfsögðu afmæliskveðju. Rétt eins og Eðlukonan Dísa og Ásta Kristín.






Annars þarf ég að leggjast inn á spítala og horfa út um gluggann í einhvern tíma en hugmyndin er að finna út úr geðbólgnum misfellunum í heilaberkinum á mér. Ég hálf vona að það verði bara rok og rigning í Reykjavík á meðan en fæ mig ekki til þess að óska því hátt og snjallt þar sem vinir og vandamenn eru jú margir hverjir að detta inn í langþráð sumarfrí.

En núna þarf ég að henda mér í matarboð með viðkomu í lakkrísdeild Kolaportsins, lifið í lukku en ekki í krukku...

Frædei ðe þörtínð

Nú á víst allskonar óhappa að gerast í dag.

En við látum það ekkert á okkur fá, enda stendur til að fara út að borða í kvöld og happa allan daginn.




Ég sendi landsmönnum öllum hugheilar helgarkveðjur með ósk um bjarta framtíð!

Bloggun dagsins

Þegar sólin skín og fuglarnir syngja er erfitt að vera ekki barasta himinsæll og glaður. Guð gefi mér svo æðruleysi en samt aðallega þolinmæði vegna þess að ég á bágt með að bíða og bíða eftir því sem treglega vill gerast.

Þannig er nú það...

Heydo!

Myndraunir...

Eða hvað...

Nýtt og spennandi blogg

Nú er ég eina ferðina enn komin í samstarf við blogger og ekkert annað að gera en að æpa hæ og hó og velkomin í heiminn væna mín...